Qozog‘istonda yangi aviayo‘nalishlarga talabni prognoz qiluvchi tizim yaratildi
Tizimni yaratishda ishlab chiquvchilar so‘nggi besh yil davomida amalga oshirilgan 200 millionta reys haqidagi ma’lumotlar hamda aviakompaniyalarning qariyb 170 ta hisobotini tahlil qildi.
Platforma hududlarning iqtisodiy holati, aholi soni, iste’molchilarning xohish-istaklari hamda yo‘lovchilar oqimiga ta’sir qilishi mumkin bo‘lgan yirik tadbirlarni hisobga oladi.
Model Qozog‘istonning Echelon Alpha kompaniyasi tomonidan Qozog‘iston Respublikasi Transport vazirligi bilan hamkorlikda ishlab chiqilgan. U aviaqatnovlarga bo‘lgan talabni, tranzit salohiyatini va yangi yo‘nalishlarning istiqbolini baholash imkonini beradi.
Platforma faqat aviatsiya statistikasi bilan cheklanmaydi. Prognozlashda hududlarning makroiqtisodiy ko‘rsatkichlari, aholi soni, iste’molchilarning xohish-istaklari, biznes faolligi va yo‘lovchilar oqimiga ta’sir qilishi mumkin bo‘lgan yirik tadbirlar taqvimi ham hisobga olinadi.
Tahlil jarayonida ochiq va tijoriy manbalar, shuningdek, geomarketing ma’lumotlaridan foydalaniladi. Echelon Alpha asoschisi Raxman Asambayevning so‘zlariga ko‘ra, prognozlarning aniqligi 90 foizgacha yetadi.
Ushbu vosita yordamida yangi yo‘nalishning istiqbolini oldindan baholash, yo‘lovchilar oqimini prognoz qilish va tranzit salohiyati yuqori bo‘lgan yo‘nalishlarni aniqlash mumkin.
Ommabop
Robototexnika bo‘yicha eng yaxshilar: O‘zbekiston terma jamoasi Incheonda oltin medalni qo‘lga kiritdi
O‘zbekiston terma jamoasi 7–10-oktabr kunlari Janubiy Koreyaning Incheon shahrida bo‘lib o‘tgan FIRST Global Challenge 2026 xalqaro robototexnika musobaqasida birinchi o‘rinni egalladi.
Sun’iy intellekt va sun’iy yo‘ldoshlar O‘zbekistonda suv resurslarini boshqarishga qanday yordam bermoqda?
Sun’iy yo‘ldosh ma’lumotlari va sun’iy intellekt ekinlar holatini kuzatish, suv resurslari bilan bog‘liq muammolarni aniqlash va qishloq xo‘jaligi yerlarini monitoring qilishga yordam beradi.
Markaziy Osiyoning besh davlati robototexnika bo‘yicha jahon maydonida
Qozog‘iston, Qirg‘iziston, O‘zbekiston, Tojikiston va Turkmaniston Janubiy Koreyaning Incheon shahrida bo‘lib o‘tadigan FIRST Global Challenge 2026 musobaqasida Markaziy Osiyo nomidan qatnashadi.