O‘zbekiston oliygohi 8Foundry Alliance global innovatsion platformasiga qo‘shildi.
Nizomiy nomidagi Milliy pedagogika universiteti xalqaro innovatsion klaster — 8Foundry Alliance tarkibiga qo‘shildi. Mazkur hamkorlik universitetga Yevropadagi oliy ta’lim muassasalari va ilmiy markazlar bilan hamkorlikni kengaytirish imkonini beradi. Talabalar va tadqiqotchilar esa yangi xalqaro loyihalar hamda akademik almashinuv dasturlarida ishtirok etish imkoniyatiga ega bo‘ladilar.
Nizomiy nomidagi O‘zbekiston Milliy pedagogika universiteti 8Foundry Alliance xalqaro innovatsion klasteriga qo‘shilgan Markaziy Osiyodagi ilk oliy ta’lim muassasalaridan biriga aylandi.
Universitetda 8Foundry Alliance rahbariyati vakillari — klaster raisi Rafael Magrish hamda xalqaro hamkorlik bo‘yicha mutaxassis Pyotr Merjvinski bilan uchrashuv bo‘lib o‘tdi. Unda Maktabgacha va maktab ta’limi vaziri o‘rinbosari, universitet rektori Hilola Umarova ham ishtirok etdi, deb xabar bermoqda O‘zA.
Hilola Umarovaning ta’kidlashicha, xalqaro hamkorlikni kengaytirish universitet rivojlanishining ustuvor yo‘nalishlaridan biri hisoblanadi. 8Foundry Alliance’ga a’zolik xorijiy universitetlar va ilmiy markazlar bilan aloqalarni mustahkamlash, shuningdek, talabalar hamda professor-o‘qituvchilar uchun yangi imkoniyatlar yaratishga xizmat qiladi.
Mazkur hamkorlik tufayli universitet olimlari yevropalik hamkorlar bilan qo‘shma ilmiy tadqiqotlarda ishtirok etish imkoniyatiga ega bo‘ladilar. Talabalar esa xalqaro loyihalarda qatnashish, o‘z g‘oyalarini xorijiy ekspertlarga taqdim etish va professional aloqalarini kengaytirish imkoniyatiga ega bo‘ladilar.
Shuningdek, klaster vakillari universitetning ta’lim sifati va ilmiy salohiyati bilan yaqindan tanishishni rejalashtirmoqda. Kelgusida tomonlar professor-o‘qituvchilar va talabalar almashinuvi dasturlarini yo‘lga qo‘yish hamda qator qo‘shma tashabbuslarni amalga oshirishni rejalashtirgan.
8Foundry Alliance raisi Rafael Magrish universitetning yuqori salohiyatini e’tirof etib, Markaziy Osiyo bilan hamkorlikni rivojlantirish muhim ahamiyatga ega ekanini ta’kidladi.
8Foundry Alliance — Yevropa, Osiyo va dunyoning boshqa mintaqalaridagi universitetlar, ilmiy-tadqiqot markazlari, biznes vakillari hamda davlat tashkilotlarini birlashtiruvchi xalqaro platformadir. Klaster ta’lim, ilm-fan, innovatsiyalar va texnologiyalar transferi sohalarida hamkorlikni rivojlantirishga qaratilgan bo‘lib, ishtirokchilarga qo‘shma loyihalarni amalga oshirish va xalqaro grant dasturlarida qatnashish uchun hamkorlar topishda ko‘maklashadi.
Hozir o'qilmoqda
Oʻzbekiston global IT kompaniyalarini jalb etishga qaratilgan yangi tashabbusni taqdim etdi
Oʻzbekiston xalqaro raqamli texnologiyalar markazi – Enterprise Uzbekistan loyihasini taqdim etdi. U xalqaro IT kompaniyalari faoliyati uchun yangi platformaga aylanishi hamda xorijiy investitsiyalarni jalb etishga xizmat qilishi kutilmoqda.
+40°C dan yuqori harorat: Ekstremal issiqda sog‘liqni qanday asrash mumkin
Yozda havo haroratining +40°C dan oshishi endi odatiy holga aylanib bormoqda. Issiq to‘lqinlari Markaziy Osiyo, Janubiy Yevropa, AQSh va dunyoning boshqa ko‘plab hududlarini qamrab olmoqda.
Markaziy Osiyo universitetlari THE Sustainability Impact Ratings 2026 reytingida o‘z mavqeini mustahkamlamoqda
Universitetlarning xalqaro reytinglari haqida so‘z borganda, odatda QS World University Rankings yoki Times Higher Education World University Rankings tilga olinadi. Ushbu reytinglar ta’lim sifati, ilmiy tadqiqotlar va universitetlarning akademik nufuzini baholaydi. Biroq universitetlarning zamonaviy jamiyatdagi o‘rnini boshqa mezonlar asosida baholaydigan yana bir reyting mavjud.