Turkman dizayneri Marokashda yangi kolleksiyasini taqdim etdi
Turkman dizayneri Göwher Pirkulyyeva-Gouvernet Marokashning Tanjer shahrida bo‘lib o‘tgan Tanger Fashion Week 2026’da yangi kolleksiyasini taqdim etdi.
Kolleksiyada dizayner an’anaviy turkman keşde kashtachiligi, milliy naqshlar va zamonaviy siluetlarni uyg‘unlashtirdi. Namoyish Fairmont Tazi Palace Tangier mehmonxonasida xalqaro moda haftaligi doirasida bo‘lib o‘tdi.
Bu dizaynerning joriy yildagi ilk xalqaro namoyishi emas. Iyun oyida Pirkulyyeva-Gouvernet Ashxobodda o‘tkazilgan Turkmentextile Expo 2026 ko‘rgazmasida «Buyuk Ipak yo‘li izidan» nomli kolleksiyasini taqdim etgan edi. Uning so‘zlariga ko‘ra, kolleksiya Marokashga qilgan safari va Maroc Fashion Weekdagi ishtirokidan ilhomlangan. Dizayner turkman milliy motivlarini marokash estetikasi bilan uyg‘unlashtirib, tarixan Buyuk Ipak yo‘li bilan bog‘liq bo‘lgan fransuz jakkardi va parcha matolaridan ham foydalangan.
Yanvar oyida esa dizayner Parijdagi Musée Guimet – Osiyo san’ati milliy muzeyida Haute Couture Week doirasida o‘tgan Oriental Fashion Showda ishtirok etdi.
Pirkulyyeva-Gouvernetning aytishicha, sayohatlar va turli madaniyatlar bilan tanishish yangi g‘oyalarni topishga yordam beradi, shu bilan birga turkman an’analariga sodiq qolish imkonini ham beradi. Shu bois uning kolleksiyalarida zamonaviy siluetlar milliy kashtachilik va an’anaviy naqshlar bilan uyg‘unlashadi.
Ommabop
Qozog‘istonlik muallif sun’iy intellekt yordamida yaratilgan filmi uchun xalqaro mukofotga sazovor bo‘ldi
Qozog‘istonlik ijodkor Myrzakhan Zhumakhan xalqaro Astana AI Film Festival 2026 festivalida Best Character nominatsiyasi bo‘yicha mukofotni qo‘lga kiritdi.
O‘zbekiston dizayner Mohamed Benchellal uchun qanday ilhom manbaiga aylandi
O‘zbekiston Davlat tarix muzeyida niderland-marokashlik dizayner va rassom Mohamed Benchellalning “Sculpting Past Tomorrow” (“O‘tmishni haykaltaroshlik orqali kelajak sari”) ko‘rgazmasi ochildi.
10 yo‘nalish, 9 davlat va 500 ga yaqin yosh iste’dod: Dushanbeda Delfiya o‘yinlari o‘tkazilmoqda
To‘qqiz davlatdan kelgan musiqachilar, xonandalar, rassomlar va raqqoslar o‘z san’ati va iste’dodini namoyish etish uchun Dushanbega jam bo‘ldi.