Qozog‘iston sun’iy intellekt sohasida jahon rekordini o‘rnatdi
Qozog‘iston AI xakatonida ishtirokchilar soni bo‘yicha Guinness World Records rekordini o‘rnatdi.
Rekord 23-sentabr kuni Astanada o‘tkazilgan HackAlem AI xakatonida o‘rnatildi. Xakatonda jami 2 415 kishi ishtirok etdi.
Avvalgi rekord Hindistonga tegishli edi. 2025-yil 21-dekabr kuni Haydarobodda Google for Developers va Google Developer Groups Hyderabad tomonidan tashkil etilgan AI xakatonida 2 089 nafar ishtirokchi qatnashgan. Qozog‘iston bu ko‘rsatkichni 326 nafarga oshirdi.
Natijani Guinness World Records’ning rasmiy hakami Glenn Pollard tasdiqladi. Ishtirokchilar ro‘yxatdan o‘tkazilib, shaxsi tasdiqlandi, kirish va chiqish jarayonlari esa shaxsiy beyjlar orqali qayd etildi. Yakuniy hisobga faqat rekord talablarini bajargan va xakaton ishida bevosita qatnashgan ishtirokchilar kiritildi.
Tadbir davomida ishtirokchilar 10 yo‘nalishda AI yechimlarini ishlab chiqdi: energetika, moliya, davlat boshqaruvi, telekommunikatsiyalar, logistika, kreativ industriyalar, ta’lim, innovatsiyalar, kommunikatsiyalar va savdo. Ularga jami qiymati $1,5 milliongacha bo‘lgan OpenAI, NVIDIA va Arizona State University texnologik hamda ta’lim resurslaridan foydalanish imkoniyati berildi.
Ommabop
Qozog‘iston va Belgiya Parkinson kasalligini erta aniqlash uchun sun’iy intellekt texnologiyasini ishlab chiqadi
Qozog‘istonning Astana Hub markazi va Belgiyaning Gent universiteti Astanadagi Alem.ai xalqaro markazida sun’iy intellekt va matematika bo‘yicha qo‘shma laboratoriya tashkil etmoqda.
Qozog‘istonda kelajak texnologiyalari bilan shug‘ullanadigan markazlar tashkil etiladi
Qozog‘iston Xitoy hamkorlari ko‘magida o‘z texnologiyalarini rivojlantirishni rejalashtirmoqda. Qo‘shma loyihalar qayta tiklanuvchi energetika, sun’iy intellekt va ma’lumotlarni saqlash texnologiyalari kabi bir nechta yo‘nalishni qamrab oladi.
Markaziy Osiyolik talabalar xalqaro moliyaviy xavfsizlik olimpiadasida g‘olib bo‘ldi
Markaziy Osiyo talabalari 27-sentabrdan 2-oktabrgacha Krasnoyarskda o‘tkazilgan VI Xalqaro moliyaviy xavfsizlik olimpiadasida g‘oliblar va sovrindorlar qatoridan joy oldi.