Chorin kanyoni: Qozog‘istonning noyob tabiat mo‘jizasi haqidagi 7 ta qiziqarli fakt

Qozog‘istonning Olmaota viloyatida joylashgan Chorin kanyoni Markaziy Osiyodagi eng hayratlanarli tabiiy maskanlardan biri hisoblanadi. Uning g‘aroyib qoya shakllari, chuqur daralari va qadimiy daraxtzorlari ko‘pincha fantastik filmlar manzaralariga qiyoslanadigan betakror landshaftni yaratadi. Biz ushbu noyob maskan haqidagi yettita qiziqarli faktni jamladik.

• Chorin kanyoni ko‘pincha AQShdagi mashhur Grand Kanyonning “kichik ukasi” deb ataladi.
• Kanyonning uzunligi 154 kilometrni tashkil etadi, ayrim joylarda esa uning chuqurligi 300 metrgacha yetadi.
• Geologlarning baholashicha, kanyonning yoshi taxminan 25 million yilni tashkil qiladi.
• Bu yerda mashhur Qal’alar vodiysi joylashgan bo‘lib, undagi ulkan qoya shakllari qadimiy qal’alarning devor va minoralarini eslatadi.
• Kanyon hududida yoshi ikki million yildan ortiq bo‘lgan relikt shumtolzor saqlanib qolgan.
• Shamol qoyalardagi yoriq va teshiklardan o‘tarkan, organ musiqasini eslatuvchi noodatiy tovushlarni hosil qiladi.
• Chorin kanyoni nafaqat sayyohlar, balki kinoijodkorlarni ham o‘ziga jalb etadi. Bu yerda “Finist. So‘nggi bahodir” filmi epizodlari hamda britaniyalik musiqachi Rag’n’Bone Man klipi suratga olingan.

Millionlab yillar davomida shamol, suv va vaqt bu yerda bugun Markaziy Osiyodagi eng noodatiy landshaftlardan biri sifatida e’tirof etiladigan manzarani yaratdi. Chorin kanyonining suratlari qanchalik ta’sirli ko‘rinmasin, uning haqiqiy ko‘lamini o‘z ko‘zingiz bilan ko‘rish mutlaqo boshqacha taassurot qoldiradi.