Apple Pay Tojikistonda foydalanishga topshirildi
28-iyuldan boshlab mos kartalar egalari xaridlar uchun iPhone, Apple Watch va boshqa Apple qurilmalari orqali to‘lovni amalga oshirishlari mumkin.
Tojikistondagi Apple qurilmalari foydalanuvchilari endi Apple Pay xizmatidan foydalanish imkoniyatiga ega bo‘ldi.
Xizmatning rasmiy ishga tushirilishi Dushanbe shahridagi IT Park’da bo‘lib o‘tdi. Taqdimot marosimi davomida mamlakatdagi Apple Pay orqali ilk to‘lov Yovar supermarketlar tarmog‘ining filiallaridan birida amalga oshirildi.
Apple Pay hozircha Visa kartalariga ega Alif Bank va Humo Bank mijozlari uchun mavjud. Kartani Apple Wallet ilovasi yoki bankning mobil ilovasi orqali qo‘shish mumkin.
Apple Pay yordamida foydalanuvchilar plastik bank kartasisiz do‘konlarda, mobil ilovalarda va internet saytlarda xaridlar uchun to‘lovni amalga oshirishlari mumkin.
Apple Pay Tojikistonda ishga tushirilishi bilan xizmat endi Markaziy Osiyoning uch mamlakatida – Qozog‘iston, Qirg‘iziston va Tojikistonda mavjud.
Ommabop
Qozog‘iston va Belgiya Parkinson kasalligini erta aniqlash uchun sun’iy intellekt texnologiyasini ishlab chiqadi
Qozog‘istonning Astana Hub markazi va Belgiyaning Gent universiteti Astanadagi Alem.ai xalqaro markazida sun’iy intellekt va matematika bo‘yicha qo‘shma laboratoriya tashkil etmoqda.
Qozog‘istonda kelajak texnologiyalari bilan shug‘ullanadigan markazlar tashkil etiladi
Qozog‘iston Xitoy hamkorlari ko‘magida o‘z texnologiyalarini rivojlantirishni rejalashtirmoqda. Qo‘shma loyihalar qayta tiklanuvchi energetika, sun’iy intellekt va ma’lumotlarni saqlash texnologiyalari kabi bir nechta yo‘nalishni qamrab oladi.
Markaziy Osiyolik talabalar xalqaro moliyaviy xavfsizlik olimpiadasida g‘olib bo‘ldi
Markaziy Osiyo talabalari 27-sentabrdan 2-oktabrgacha Krasnoyarskda o‘tkazilgan VI Xalqaro moliyaviy xavfsizlik olimpiadasida g‘oliblar va sovrindorlar qatoridan joy oldi.